U ka'ap'éel debate ti'al le máaxo’ob u k'áato’ob ka yéeyako'ob ti'al u jala'achil le noj lu'umila' yan u sutk'esa'al ichil óoxp'éel máasewal t'aano'obo'

Fecha de publicación: 2024-04-29

  • Yan u máansa’al ich maaya t’aan, náhuatl yéetel tsotsil, le je’eloba’ je’el u béeytal u cha’anta’al ti’ u chíikulil Youtube INETV, yéetel ti’ redes sociales beeyxan ti’ u nu’ukbesajil internet ti’ Central Electoral

Ti’al u chíimpolta’al u páajtalilo’ob ti’al u táakbesikubaj yéetel u yéeya’al máako’ob beeyxan ti’al u yojéelta’al bix u meyaj jala’acho’ob tumen máasewal máako’obe’, u noj mola’ayil yéeytáambal (INE) yéetel u yáantajil u noj mola’ayil u kaláanta’al máasewal t’aano’obe’ (INALI) yan u péektsiltiko’ob u sut t’aanil u ka’ap’éel debate ichil le máaxo’ob u k’áato’opb ka yéeyako’ob ti’al noj jala’achil le lu’umila’ je’e bix beeta’ab ti’ yáax juntéeno’ ichil óop’éel máasewal t’aano’obo’: maaya t’aan, náhuatl yéetel tsotsil.

Le u máansa’al le debate kun yúuchul le 28 ti’ abril ku taala’ las 20:00 hrs tu kúuchil estudios Churubusco, yéetel le je’eloba’ yan u béeytal u cha’anta’al tu chíikulil YouTube ti’ le mola’ayila’ (INETV), beeyxan ti’ u jeejeláas redes sociales yéetel ti’ u nu’ukbesajil https://centralelectoral.ine.mx/. Le u chíikulil tu’ux je’el u béeytal u cha’anta’alo’ leti’e’ je’eloba’:

https://www.youtube.com/live/GykiUx2bnEM?si=TsrBRYZ_2n7G-4Uz

 

Je’ex ka uch tu yáax debate’o’, yéetel u nib óolil le jeejeláas chíikulilo’ob radiodifusoras yéetel televisorase’ beeyxan chíikulilo’ob ti’al u péektsilta’al miatsile’ (RED México’e’), je’el u béeytal u beeta’al ka ch’enxikinta’ak le meyajila’ ti’ maanal 12 chíikulilo’ob ti’ le noj lu’umila’, ichil le je’eloba’ ti’ yan u nu’ukbesajil cha’an TV UNAM.

 

Ti’ le tsoolila’ ku ya’ala’al máaxo’ob kun beetbil le sut t’aano’

 

Aj sut t'aano'ob

Máasewal t'aan

Irla Élida Vargas del Ángel

 

Náhuatl

Gilberta Mendoza Salazar

Martha Martínez Hernández

Anselmo Clemente de Jesús

Sary Lorena Hau Ucan

 

Maayat'aan (maya)

Jemina Abigail Peraza Chan

Ramón Chan Briceño

Eli Concepción Casanova Morales

Lucia Moshan Vargas

 

Bats'i k'op (tsotsil)

Reyna Gómez Ruiz

Esmeralda Mendez

José Manuel Gómez Ruiz

 

U ka’ap’éel debate’ile’ yan u béeytal u cha’ata’al tuláakal noj lu’um yéetel ku k’aaba’tik La ruta hacia el desarrollo de México yéetel yan u ch’a’achi’ta’al le jaatsilo’oba’: Crecimiento económico, empleo e inflación; Infraestructura y desarrollo; Pobreza y desigualdad, beeyxan Cambio climático y éetel desarrollo sustentable.

U jaatsil meyaj formato B yan u meyajta’al ti’ le debate’o’ yan u yantal u jela’anil je’ex k’áatchi’obo’ u súutukil jets’a’an ti’al u núuka’alo’ob, k’áatchi’ob grabarta’an, le je’eloba’ cha’aba’an ti’ le 32 jeejeláas xot lu’umilo’obo’ yéetel ka’ap’éel ti’al le noj jala’achil (CNCS) ti’ INE.

Le k’áat chi’ob yéeya’abo’obe’ t’o’ox ti’i kanp’éel xot lu’umilo’ob xaman, bajío yéetel costa oeste, yéetel chúumuk beeyxan nojol sureste xan. Ti’ jump’éel ti’ le jaatsilo’ob le meyajila’ yan u cha’a’achi’ta’al k’áatchi’ob ku taalo’ob ti’ jump’éel xot lu’umil.

Le ba’ax ku kaxantik le je’ela’ u péektsilta’al ka anak jeejeláas tuukulo’obe’ ichil le máaxo’ob ku kaxantiko’ob ka yéeyako’obo’, u péektsiltiko’ob me meyaj u k’áat u beeto’obe’ yéetel u béeykunta’al ka u táakbesikubaj wíiniko’ob yéetel u ch’a’ajóolta’al le k’áatchi’ob túuta’ab ti’ jeejeláas xot lu’umilo’opb, beeyxane’ ti’al u yila’al bix u yu’ubikubaj le candidatoso’obo’ ken k’áatchi’ta’abo’ob tumen kajnáalo’ob.

Yéetel le sut t’aanilo’ ich máasewal t’aan ti’ le debate’o’ yéetel u sut t’aanil lenguaje de señas mexicanase’ u noj mola’ayil INE ma’ jawak u péektsiltik bix je’el u yantal keetil meyaj jets’a’an tumen u noj múuch’kabil Consejo General ti’al u beeta’al u meyajila’.

-o0o-

 

*Comunicado de prensa traducido al maya.