Compartir

Zapoteco del istmo

Xi zeda guni INALI:

Guya’ INALI runi guirá’ ca guenda ne guirá’ ca diidxa’ nuu ndaa guidubi guidxi da’gulisaa Méxicu, zacaneni guidaagu’ guirá’ ca binni guidxi ti guisacaca’ bia’queca, gutagulisaaca’ guintiisi binni, guiralú binni, ne zacá ganda guidxagulisaa xquendabiaanica’, gacaca’ tobisi; zunineni dxiiña’ ne ca xaique xti’ Municipiu, ca xaique xti’ Gobiernu Estatal ne Federal ti ganda gutaaguca’ dxiiña’ runica’ ti gacaneca’ guibani ca diidxa’ huala’dxi’, ne guirá’ binni ganda’ chu’ladxi’ca’ guini’ca’ stale diidxa’, guirá’ ca binnihuala’dxi’ gápaca’ derechu guini’ca’ xtiidxaca’; ne zaqueca guidale ne gaca’ nandxó’ guirá’ ca diidxa’ huala’dxi’; laaca zacaneni ti guiquiiñecabe ca diidxahuala’dxi’ lu guirá’ guendanabani xti’ guirá’ binniguidxi, ndaani’ luguiaa, guirá’ ra raca dxiiña’, lu guendaribí ne ra guni dxiiña’ ca xaique guidxi, lu guirá’ ra raca guendabiaani’ ne lu guirá’ ca binni rie guintiisi’ yu’du’, maru’ si zaca dxiiñaca ca ndaani’ ca guidxi huala’dxi’; zacaneni ti ganda gunibia’ ne chu’la’dxi’ guirá’ ca binni pabiá’ risaca guirá’ ca diidxa’ huala’dxi’ napa guirá’ ga guidxi da’gulisaa Méxicu, ngue runi zunini dxiiña’ ne guirá’ ca guidxi huala’dxi’ ne guirá’ ca xaique guidxi ne tutiisi binni.


Sica guihuini INALI ra tiidi’ gande iza

Naca INALI ti yoo ra nuu binni naca xaique xti guirá’ dxiiña’ raca ne ca diidxa’ huala’dxi; ma’ gunda bi’nini gaca’ dxiiña’ ne guiquiiñe’ ca diidxa’ huala’dxi’ lu guirá’ ca yoola’hui’ ne ndaani’ guirá’ xhiiña’ guidxi’, lu guirá’ ca dxiiña’ runi gobiernu ne ca guidxi huala’dxi’, ngue runi ma’ cadi caniti ca diidxa’ huala’dxi’, ma’ cabanica’, ma’ cayaacaca’ nandxó’ ne ma’ casacaca’ neza lu guirá’ ca dxiiña’ ne xtiidxa’ risaca xti’ ca xaiqueguidxi xti’ guirá’ ca guidxi da’gulisaa Méxicu ne neza lu guirá’ ca xpinni.