EL INALI - Mexicano de Guerrero

Náhuatl, variante: mexicano de Guerrero

In Maseualtlajtolmexikatekiuakalyotl (MATLAJMETEKAL) san no yajua nokaltekipanolcha, kijtosneke ika makajtok itech in Administración Pública Federal; maseualtekipanoua niman ijkatok ika san no yajua imanauilis; no ijke, san no yajua nouaxkacha; niman nosentlakotontok ijtik Secretaría de Educación Pública.

IASITILISME

Ipanpa itlanauatilme on inTlajtoltlanauatilsenamauan Senmaseualtekame, in Maseualtlajtolmexikatekiuakalyotl kipiya iasitilisuan:

Kineke kinyolchikauas, kinmanauis niman kiminiskaltis in maseualtlajtolme uan notekitilchaj ipan tomexikatlalyo;

Kineke ma noyolchikaua, ma nomanaue niman ma noskalte totlamachilis niman topakilis ika in toueyeTlalmexika-maseualixtlamachilistsin.

Kiminnauatis in yeye tekiualisyotl panpa ijkon uelis kinsasalos maseualtlanauatijle uan no kitaj in tekipanoltlamachilis.

ITEKIYOTSIN

In MATLAJMETEKAL , uan noase ipan imaseualixtlamatiluan niman imaseualtlajtoluan tomexikatlaltsin, tekipanoua panpa kiyolchikauas se maseualixueixtikayotl , kanpa ma tlanokalakte tinochime, kanpa ma tlanokalakte san akinon niman kanpa ma tlanotlajtolkake niman ma tlanotlakaita, nochiuas ika itlanauatilis uan kinauatis in yeye tekiualisyotl panpa ijkon uelis nosasaloske maseualtlanauatilme uan no kiminta maseualtlajtolme, uan ika noyolchikaua in miyeke maseualtlajtolyotl, panpa ijkon ma noixmate in totlajtolmanauilisuan , niman no ijkon kuajle ma noiskaltikan maseualtlajtolme; no, tekipanoua panpa ma notekitiltikan maseualtlajtolme nojnoka, ipan ixtlamattekilisyotl, ixtlamattekipanolisyotl, ixtlamattlajtoualisyotl, ixtlamattlamachilisyotl niman ixtlamatteolisyotl, axtopa kanpa nokalakchaj on senmaseualtekame ; kineke ma noixmate niman ma tikpakaitakan in ueyemaljuiltlajtolisyotl kanpa ma noixmastij in miyek ixtlamattlamachilisyo ipan in sentekiyotl iuan noche maseualaltepeme, iuan san kantlejua kaltekiuayome , niman no iuan on tekiyotl uan xi itech asitok kaltekiuayotl.

ITLACHALISTSIN

In MATLAJMETEKAL se ueye kaltlanauatilyotl uan noixmate itlayekanalis: ye ouel kijnemicha, nojnokua ojtle, san kaika niman kanpa noskalchaj senmaseualtekame, on maseualtlanauatijle uan kita maseualtlajtolme niman ye chikajtokej panpa maka poliuiske, ye uele kinyoliue, kinyolchikaua niman kinmiskalcha panpa ma noixmatikan, ma notlakaitakan niman ma nomanauikan ika itekiyo Ixtlamatmexikatlanauatilyotl niman ika noche senmaseualmexikatekame. Ipan tomexikatlajle notekitilchaj tlajtoltlanauatilmanauilisme , niman uan maseualtlajtouanej kintekitilchaj intlajtoltsiuan nochipa maske ipan kaltlayekanaltin , maske ipan tojlan notenamikilo niman ipan on medios de comunicación masiva. Noche in kanpa nopakaita in miyek Mexikomaseualtlajtojle kentla se tlamachilistle uan tosenuaxka ipan in totlaltikpaktsin.


Privada de Relox No. 16 piso 5, Col. Chimalistac, Del. Alvaro Obregón, Ciudad de México., C.P. 01070 - Tel. +52 (55)5004 2100

Comentarios sobre este Sitio de Internet  Comentarios y Sugerencias sobre este Sitio de Internet
 
INSTITUTO NACIONAL DE LENGUAS INDÍGENAS - ALGUNOS DERECHOS RESERVADOS © 2017 - POLÍTICAS DE PRIVACIDAD Políticas de Privacidad