Compartir

Maya

Le INALIo’, u ts’aamaj u múuk’il tu yóok’ol u lu’umil Meejiko tu’ux yaan jejeláas miaatsilo’ob yéetel t’aano’ob, ku kaxantik ka yaanak kaajo’ob tu’ux mixmáak máasil, ka táakpajak yéetel ka múultsikbanak yo’olal le ba’ax ku tukultik, ti’al u beytal le je’ela’ u múulmeyaj yéetel le óoxp’éel jalacho’obo’, municipal, estatal yéetel federal. Le INALIo’ yéetel le jalacho’ob ku beetiko’ob ts’íibo’ob yéetel meyajo’ob ti’al u ya’aliko’ob bix unaj u meyajtal le máasewáal t’aano’obo’, le páajtalilo’ob yaan ti’al u t’aanal yéetel ti’al u múuk’ankunsik. Bey xaan ku kaxantik ka t’aanak le k t’aano’ je’el tu’uxake: tu kuuchil k meyaj, te’e k’íiwiko’, tu najil toj óolalo’, tu najil xook yéetel tuláakal tu’ux tan k máano’. Tuláakal le je’elo’oba’ le INALIo’ ku ts’aaik k’ajóolbij ba’axten jach k’a’anan u m’úuk’ankunsal le máasewáal t’aano’obo’.

BIX KEN BEETAK LE MEYAJA’

Le INALIo’ k’ajóolan tumen ts’o’ok u beetik ka chíin jooltak yéetel ka múuk’ankunsak, tumen le jalacho’ob yéetel le kaajo’obo’, le meyajo’ob ti’al le máasewáal kaajo’obo’ yéetel ma’ u bin u sáatal u t’aano’obo’. Ichil u lu’umil Meejiko yaan u páajtalil túun ti’ le máasewáal kaajo’ob u t’aanko’ob u t’aan je’el tu’uxake’: tu kuuchil k meyaj, te’e k’iwiko’, tu najil toj óolalo’, medios ti’ komunikasióno’ , tu najil xook yéetel tuláakal tu’ux. Le je’ela ku ye’esik le jejeláas t’aano’ob jach k’a’anan ichil u lu’umil Meejiko.