Compartir

Ch'ol del noroeste

YOM BÄ MI IMEJLEL

Jiñi INALI, tsi’ tyaja iñuklel kometyi laklumal Mejiku añ ka’bäl lakñusajk’iñ yik’oty lakty’añtyak, mi iyäk’oñla tyi jumujch’, cha’añ yom mi lakpejkañ lakbä tyi lakpejtyelel, mi icha’leñ e’tyel yik’oty iyuxp’ejlel yumälob che’ bajche’ municipal, estatal yik’oty federal cha’añ mi ik’ejlob majlel bajche’ yom mi ik’äjñel majlel lakty’añtyak, ya’ baki mi iyäjlel cha’añ tyi laklumal añ ka’bäl ty’añtyak, yik’oty mi ik’el cha’añ yom mi chäñ k’ajñel majlel lakty’añ baki jach añoñla, tyi lakñusajk’iñ, tyi lake’tyel, tyi lakñopbal yik’oty bakijach mi lakñumel, mi iyäk’ tyi käjñel iñuklel lakty’añtyak tyi ityojlel yañtyakbä lakpi’älob.

BAJCHE’ MI IKAJEL TYI MEJLEL MAJLEL ILI E’TYEL

Jiñi INALI jiñäch jump’ej otyoty ambä iñuklel kome tsa’ix iyäk’ä ibä tyi käjñel: tsa’ix mejli icha’leñ e’tyel tyi tyojlel yumälob, lakpi’älob yik’oty tsa’ix mejli ikoltyañ lakpi’älob cha’añ ma’ñik mi isajtyel majlel lakty’añtyak, yik’oty tsa’ix iyäk’ä tyi k’ejlel tyi ñuk lakty’añtyak tyi’ tyojlel yumälob yik’oty tyi tyojlel pejtyelel lakpi’älob. Tyi laklumal Mejiku bakijach mi imejlel lajk’äñ jiñi lakty’añ, tyi ityojlel yumälob, yik’oty tyi lakñusajk’iñ. Ya’äch baki mi ik’ejlel tyi ñuk pejtyelel ty’añtyak ambä tyi ili ñukbä pañämil ik’aba’ Mejiku.